.
internetklasse marlene streeruwitz
BILD.SCHIRM.TEXT / klassische fragen der bildbeschreibung im fluten des mediums
thema/titel:
dorf '20
autor
autorin:
|
datum
abgabe:
|
datum
kommentar:
|
| Alois Eder |
20.09.1999
|
21.09.99
|
..
| text: |
Waunn ih in meinar Wohnstub'n bin,
hollodrioh,
san olle guaten Sochn drin
hollodriaho.
Die Bairin is gaunz delikat,
hollodrioh,
im Dirndlklad und weißa Pfad,
hollodriaho.
Dazua a Bua, der urndli kuscht,
hollodrioh,
am Tisch, sonst is mei Kost vapfuscht,
hollodriaho.
Und a kloans Mentscherl in das Wiagn,
hollodrioh,
damit ma uandli Enkerl kriagn,
hollodriaho.
Damid ma diesn Zweck erziel'n,
hollodrioh,
derfs schon ois Klans mid Pupperln spiel'n,
hollodriaho.
In Sessl is a Herzerl gschnitzt,
hollodrioh,
damids der gspiad, wos auf eam sitzt,
hollodriaho.
Aum Tisch kummd Most, aum Tisch kummd Brein,
hollodrioh,
des wiad do a guads Essen sein,
hollodriaho.
Aum Fensta schdengan Blumen obn,
hollodrioh,
damit d'Leid segn, wia guad mas hob'm.
hollodriaho.
|
|
Ois Büda hängan aun de Wänd,
hollodrioh,
vadrahde Augn und gfoidde Händ,
hollodriaho.
So waß da Heagod ollaweil,
hollodrioh,
bei uns am Hof kriegt er sein Teil,
hollodriaho.
Beim Ofa is a Ofabaunk,
hollodrioh,
dea wos dort sitzt, der sitzt oft laung,
hollodriaho.
Das s' Ungeziefa se vakräült,
hollodrioh,
haum den Plafon mia untateult,
hollodriaho.
Und wäu do drobn de Wanzn sitzen,
hollodrioh,
sand d' Fleh drunt in de Fuaßbodnritzn.
hollodriaho.
Waunns beißn, hoid ma hoid fein still,
hollodrioh,
sonsd steads s' Familienidyll,
hollodriaho.
|
.
kommentar:
|
.
wie angenehm mühelos. würde ich gerne gelesen hören. oder
kann man es singen?
|
.
zur web-seite:
(falls vorhanden)
|
.
|
zurück
